Kylian Mbappe edhe pse akoma në një moshë të re, karriera e tij ka bërë hapa gjigante dhe kjo ka bërë që ai të mos e parashikojë dot të ardhmen. Sulmuesi adoleshent Mbappe shpërtheu sezonin e kaluar me Monaco-n duke fituar titullin e Ligue 1 me 26 gola të shënuar në 44 ndeshje. Mbappe pritet të jetë një nga pikat kyçe të Francës në Kupën e Botës 2018, por ai nuk mund ta parashikojë se çfarë do të ndodhë në të ardhmen.
“Kisha disa gjëra të planifikuara në karrierën time, por meqë asgjë nuk ka ndodhur ashtu siç e kisha parashikuar dhe jam duke bërë më mirë se ç’e kisha imagjinuar, është e vështirë të parashikohet se çfarë do të ndodhë,” shprehet ai për France Football.
“Ku do të jem në dy vite? Sinqerisht, nuk e di. Në fund të karrierës jam i sigurt që do të bëhem trajner. Mendoj se do të jetë e vështirë të lë futbollin kur të më vijë dita. Kam disa plane në kokë. Do të kisha dëshirë të trajnoja klubet ku kam luajtur si Monaco dhe Paris”-vijon ai.
