Vëllai i cili zbuloi lidhjen intime të së motrës me një 34-vjeçar, ka deklaruar se hijet e dyshimit kishin nisur kohë më parë. Gjithçka ka nisur në tetor të një viti më parë, teksa ai bënte përgatitjet për dasmën. Udhëtimi me furgon në tetor të 2018-s, ka bërë që Esat Cani të dyshonte se viktima Arben Gjeçi kishte një lidhje jashtëmartesore me motrën e tij, dhe për këtë arsye, ai ka ruajtur të gjitha lëvizjet e tyre. Ky monitorim ka zgjatur deri në datën 24 janar, ku pasi kishte lënë punën dhe marrë shufrën e hekurit me vete, ishte pozicionuar pranë banesës së motrës.
“Në tetor të vitit 2018 jam kthyer nga Greqia në Shqipëri, për të bërë përgatitjen për dasmën time me shtetasen Fjoralba Heta. Pasi jam kthyer nga Greqia, të gjitha përgatitjet e dasmës i kisha të rregullta, vetëm më mungonte kostumi.
Kur kam qenë te “21 Dhjetori” dhe kam telefonuar motrën time Elida Cani, së cilës i kam thënë të merrte babin dhe nusen dhe të zbrisnin në Tiranë për të blerë kostumin tim të dhëndrit. Pasi kemi mbaruar punë, babai im ka telefonuar një nga shoferët, dhe i gatshëm është treguar Arben Gjeçi, i cili me furgon bën linjën Zall Bastar-Tiranë dhe anasjelltas, dhe kur ishte në rrugë të drejtë bënte manovra, duke i dhënë mjetit me shpejtësi dhe shikonte nga pasqyra. Unë nuk e dija se më kë e kishte, me gruan time, apo me motrën që po ngacmonte dhe i them Arbenit, “mbaje mirë timonin se na hodhe”.
Masakra në Zall-Bastar/Të dashurin e motrës e vrava me një shufër hekuri. Ja si i fsheha gjurmët
