Festivali Ndërkombëtar i Filmit të Animuar “Anibar” do të mbahet në Pejë për 7 ditë me radhë, përkatësisht nga 14-20 gusht.
Tema kryesore e festivalit këtë vit do të jetë rikthimi i hapësirave publike.
“Anibar” do të sjellë aktivitete të ndryshme, si: filma të animuar, takime me regjisorë etj.
“Filma të animuar, punëtori, prezantime, masterklasa, takime me regjisorët, debate, ndeja, piknikë në natyrë, ushqim dhe pije, e shumë aktivitete të tjera, të gjitha këto vijnë në javën më të preferuar në Pejë, 14-20 Gusht në edicionin e tetë të Festivalit Ndërkombëtar të Animacionit Anibar.
Këtë vit po bashkohemi të gjithë për ta Rikthyer Qytetin, si motiv kryesor dhe një mision premtues i Anibarit. Rikthimi i qytetit do të luftojë për vlera demokratike në hapësirat publike”, thuhet në njoftimin e organizatorëve.
