Pas një sezoni aspak të mirë, pasi marrëdhëniet me klubin dhe trajnerin ishin ‘thyer’, Mërgim Mavraj ka shkëputur kontratën me gjermanët e Hamburgut të cilët tashmë e kanë rënë për herë të parë nga Bungesliga. Qendërmbrojtësi i kombëtare shqiptare nga prishja e kontratës ka fituar 300 mijë euro, e konfirmuar nga të dyja palët, pasi ishte klubi që kërkoi prishjen e kontratës.
Mavraj tashmë duhet të gjejë një ekip sa më parë, pasi në të kundërt mund të humbasë edhe vendin në formacionin e Panuccit. Sipas mediave gjermane, mbrojtësi kuqezi është në kontakt me disa skuadra dhe shumë shpejt ai do të finalizojë transferimin. Ekipi që ka më shumë shanse për të firmosur me të është Deportivo La Coruna në Spanjë. Skuadra militon në Segunda Division.
Ndërkohë që nga Italia vjen një tjetër ofertë. Bëhet fjalë për skuadrën e Serie B, Brescia. Skuadra që militon në Serie B ka ngjallur interes për qendërmbrojtësin, megjithatë, ai pritet që të vlerësojë ofertat dhe në fund të përcaktojë të ardhmen, pasi dhe Turqia nuk përjashtohet për atë.
