Mërgim Mavraj do të vijojë të jetë pjesë e futbollit gjerman, duke mos u bërë kështu pjesë e Superligës shqiptare.
Qendërmbrojtësi është prezantuar zyrtarisht të mërkurën, si futbollist te skuadra gjermane që luan në Bundesligën e dytë, Grojther Fryth. Mavraj është aktivizuar edhe më parë për tre sezone me këtë skuadër, nga viti 2011-2014, duke regjistruar 119 ndeshje me këtë fanellë.
“Nuk kam ardhur këtu për të mbyllur karrierën. Drejtuesit e klubit më bindën me projektin dhe lojën që duam të aplikojmë. Dua ta ndihmoj skuadrën për këtë”, theksoi Mavraj në një intervistë për faqen zyrtare të klubit.
Nga ana tjetër, drejtori sportiv i klubit Rashid Azuzi u shpreh se Mavraj do ta ndihmojë skuadrën me eksperiencën e tij, duke e cilësuar Mavrajn si një person me personalitet të fortë që do të luajë një rol të rëndësishëm edhe për të rinjtë. Ndërkohë trajneri skuadrës shprehet se, Mavraj është një lojtar i cili pozicionohet mirë dhe është i fortë në luftën ajrore.
Kujtojmë se skuadra e Kukësit u interesua për lojtarin shqiptar por zgjedhja e tij ishte skuadra gjermane. Pas një viti shumë të vështirë ku fillimisht u transferua te Arisi i Selanikut, Mavraj kaloi te Ingloshtad gjatë merkatos së dimrit, një aventurë që zgjati po aq pak pasi ekipi zbriti në kategorinë e tretë.
Pse rrogat rriten në letra, por varfëria rritet në realitet?
