Aventura e Mërgim Mavrajt me Hamburgun më në fund ka përfunduar. Të dy palët kanë gjetur një zgjidhje të përbashkët, pas shumë problemeve që kishin në fundin e sezonit që lamë pas. Lajmi është bërë i ditur nga vetë mbrojtësi i kombëtares shqiptare me anë të një postimi në Instagram.
“Një kontratë prishet, asnjëherë një lidhje emocionale. Më pëlqeu shumë që isha këtu dhe kam ndihmuar me shumë pasion. Nuk duhet të kërkosh kurrë të të falënderojnë apo të të respektojnë për këtë. Ajo që do të thotë krenari, ne e përjetuam në majin e viti 2017, përjetuam krenarinë e vërtetë”, janë fjalët e Mavrajt.32-vjeçari iu bashkua Hamburgut në janarin e 2017-ës dhe ishte titullarë i padiskutueshëm, duke dhënë një ndihmë të jashtëzakonshme atëherë për të shpëtuar ekipin nga rënia një kategori më poshtë. Ndërkohë, në fillim të këtij viti ai më shumë u la në stol nga trajneri dhe më pas u dënua me kalimin në U-21, duke bërë të përfunduar marrëveshjen mes palëve për sezonin e ri.
Mbetet për tu parë se ku do të vazhdojë karrierën qendërmbrojtësi kuqezi, pasi ofertat nuk kanë munguar. Oferta ka pasur nga ekipet turke, por edhe nga Gjermania, por ajo që është futur në garë ditët e fundit është Deportivo de La Coruña, ekip që militon në ligën e dytë në Spanjë.