Ditën e djeshme ka nisur plotësimi i formularit A1Z, proces i cili do të zgjasë edhe sot.
Sipas Agjencisë Kombëtare të Provimeve, kjo vlen edhe për maturantët e viteve të kaluara, që nuk kanë aplikuar me formularin A1Z.
Portali i Maturës Shtetërore online është i disponueshëm në periudhën 1–2 Qershor 2017, nga ora 08.00 deri në orën 16.00.
“Për kandidatët që kanë detyrimin për të dhënë provime të Maturës Shtetërore, ky është afati i fundit që u vihet në dispozicion. Plotësimi online i Formularit A1Z, për kandidatët e sipërpërmendur, bëhet në shkollat ku kanë kryer arsimin e mesëm të lartë ose në shkollën e përcaktuar nga KMSH-ja e vendbanimit, nëse shkolla e mesme që kanë përfunduar është mbyllur”.
Ky proces ndiqet nga një person i ngarkuar nga drejtoria e shkollës, që quhet “mbikëqyrës”.
Gjithashtu, dje ministrja Harito informoi se portali qeveritar E-Albania u jep mundësinë maturantëve që të plotësojnë formularin A1 të Maturës Shtetërore, përmes një postimi në rrjetin social Facebook, ku shkroi:
“U jep atyre mundësinë të printojnë vetë kartën e shëndetit për vete dhe për të gjithë familjen, të paguajnë faturat e energjisë elektrike e një sërë shërbimesh të tjera të thjeshtuara dhe të lehta në përdorim”.
