Peshëngritja në Shqipëri është duke kaluar një moment mjaft të keq, që nga momenti që Romaela Begaj rezultoi pozitive me doping në Botërorin e SHBA-së. Pas këtij skandali presidenti i Peshëngritjes, Elez Gjoza dha dorëheqje, e që prej asaj kohe kjo federatë kushte mbetur pa një drejtues.
Ditën e sotme janë zhvilluar zgjedhjet për presidentin e ri të Federatës Shqiptare të Peshëngritjes. Zgjedhjet i ka fituar Theodhor Masllavica, që ka fituar bindshëm ndaj rivalit të tij, Ilir Topuzi. Masllavica ka marrë 19 vota, ndërsa Topuzi vetëm 2. Presidenti i ri do të ketë një detyrë të vështirë për të pastruar emrin e Peshëngritjes shqiptare pas skandaleve të fundit.
