Prokuroria e Tiranës ka kërkuar 18 vite burg për nënë e bijë, Luli dhe Adeila Makashin.
Këto të fundit akuzohen për mashtrim me pasojë të rënda kryer në bashkëpunim disa herë, pasi kanë mashtruar 225 persona, me premtimin se do i dërgonin për punësim në Kanada me anë të agjensisë së punësimit Ande-Lm. Kështu, nënë e bijë merrnin nga 2.000 deri në 10.000 dollarë për person duke i mashtruar ata.
Procesi ndaj të pandehurave është duke u zhvilluar në gjykatën penale të Tiranës, ku prokuroria ka kërkuar edhe dënimin e subjektit juridik Ande-Lm me gjobë në vlerën e 5 milion lekë, si dhe dënim me 10 vite burg të Luli Makashit dhe 8 vite për Adeila Makashin.
Nënë e bijë u ndaluan më 28 prill 2016 nga policia e Tiranës, pasi u larguan fillimisht drejt Kanadasë nga ku u depërtuan pas një urdhër ndalimi. Pak ditë para largimit, ato ia kishin shitur kompaninë shtetasit Klevis Rreshka, ndërsa pas arrestimit nuk kanë pranuar akuzat në asnjë nga 11 seancat.
Pagesat e disa aplikantëve të mashtruar
D.T ka paguar 250.000 dhe 844.000 lekë
M.M ka paguar shumën 1.000.000 lekë dhe 149 euro
G.SH shumën 250.000 lekë dhe 6000 dollarë
G.T shumën prej 13210 dollarë dhe 280 euro
M.T 250.000 lekë dhe 9500 dollarë.
