Departamenti i Drejtësisë në SHBA, ka kërkuar ekstradimin e biznesmenin turk Sezgin Baran Korkmaz nga Austria, për t’u përballur me akuzat e pastrimit të parave në shtetin e Utah.
Korkmaz, 43 vjeç, u arrestua të shtunën në Austri me kërkesë të qeverisë amerikane, pas zbardhjes së një padie të re që e akuzon atë për pastrim parash, mashtrime në transferimin elektronik të parave dhe pengim të një procedure zyrtare, shkruan The National News.
Korkmaz pastroi më shumë se 133 milionë dollarë të ardhura nga mashtrimet, përmes llogarive bankare që ai kontrollonte në Turqi dhe Luksemburg.
“Sipas aktakuzës zëvendësuese, Korkmaz pastroi mbi 133 milion dollarë të ardhura nga mashtrimi përmes llogarive bankare që ai kontrolloi në Turqi dhe Luksemburg,” tha departamenti të hënën e 21 qershorit.
Prokurorët amerikanë thonë se të ardhurat atij e kanë zanafillën tek një skemë mashtrimesh ku ai përfitoi më shumë se 1 miliard dollarë duke mashtruar me taksat për prodhimin dhe shitjen e naftës që njihet si “biodiesel” nga kompania Washakie Renewable Energy LLC në shtetin Jutah (Utah)
Turkish Businessman Arrested in Austria on Charges that He Allegedly Laundered Over $133 Million in Fraud Proceedshttps://t.co/kZcMB20VHU
— Justice Department (@TheJusticeDept) June 21, 2021
