Blutë e Tiranës kanë arritur që të kapin autorin e vrasjes së shtetases Enkeleda Çapoku në Paskuqan. Autori i krimit makabër, Erdet Çapoku, pasi kishte vrarë kunatën, ishte larguar menjëherë nga vendi i ngjarjes.
Shërbimet e Komisariatit të Policisë Nr. 4., bënë të mundur lokalizimin dhe kapjen e këtij shtetasi në Laprakë.
Njoftimi i policisë
Tiranë
Kapet në kohë rekord autori i vrasjes së shtetases E. Ç., ndodhur në Paskuqan, në orët e vona të mbrëmjes së djeshme.
Menjëherë pas ngjarjes, strukturat e DVP Tiranë organizuan punën për lokalizimin dhe kapjen e shtetasit Erdet Çapoku., i cili pasi ka goditur me sende të forta kunatën është larguar nga vendngjarja.
Falë angazhimit maksimal dhe informacioneve të marra nga qytetarët, shërbimet e Komisariatit të Policisë Nr. 4 bënë të mundur lokalizimin dhe kapjen e këtij shtetasi, në Laprakë.
Shtetasi ndodhet i shoqëruar në Polici, për veprime të mëtejshme.
