Pasi i mori jetën 8 personave, për një çast 24-vjeçari ka shfaqur shenjë pendese. Këtë e reflektojnë mesazhet që ai ka shkëmbyer gjatë gjithë kohës me të vëllanë, i cili është tre vite më i madh se ai. Ka qenë pikërisht vëllai i autorit të masakrës së Selenicës, ndërmjetësuesi kryesor dhe ai që ka bindur Ritvan Zykajn të dorëzohej në të gdhirë të ditës së shtunë. Hoveljando Zykaj, ka negociuar gjatë kohës që i vëllai ishte në arrati, derisa ka arritur ta bindë që të mos fshihej më, raporton “Panorama”.
Gjatë gjithë kohës, ai ka biseduar me mesazhe me autorin e krimit, deri në momentin që Ritvanit i është fikur telefoni, pasi i ka mbaruar bateria. I vëllai e pyeste vazhdimisht se ku ishte dhe ai gjatë gjithë kohës, i tregonte se ishte rrotull fshatit, nuk ishte larguar.
https://tiranatoday.com/policia-kerkonte-tmerrin-e-selenices-i-ati-me-mbylli-shtepine-skam-guxim-te-dal-me/
Ndërsa në një nga mesazhet që i ka dërguar të vëllait, Ritvani ka shfaqur një lloj pendese për masakrën që kishte kryer. “Bobo çfarë kam bërë!” Ky është një ndër mesazhet që Ritvan Zykaj i ka shkruar Hoveljandos, teksa ky i fundit i kërkonte të dorëzohej.
https://tiranatoday.com/ja-si-e-priti-vendimin-djalli-i-selenices-fjalia-e-vetme-qe-tha-ne-gjyq/
Pak sekonda para se t’i fikej telefoni, Ritvani i ka treguar adresën e përafërt të vendit se ku po fshihej, mes disa kallamishteve. Ishte pikërisht ky vend, i njohur nga banorët e lagjes “Resulaj” të Selenicës si “Çezma e misrit”, ku policia mundi të arrestonte autorin e masakrës me 8 viktima. Burimet thanë se pasi është rrethuar nga efektivët e RENEA-s, 24-vjeçari nuk ka bërë rezistencë, duke ngritur menjëherë duart lart.
