Një konflikt për pronën ka përfunduar me një masakër në Turqi, ku raportohet për pesë viktima, e ndërsa autori ka marrë plagë të rënda. Gjakrat janë nxehur pasi babai dhe dy djemtë po debatonin për ndarjen e një ngastre toke.
Por në konflikt e sipër, autori ka qëlluar për vdekje të atin, të vëllain, kunatën dhe 2 nipat. Në një gjendje të rënduar, ai më pas ka drejtuar pistoletën në kokën e tij.
Ngjarja e rëndë ka ndodhur paraditen e së dielës, rreth orës 11:00, në një fshat të distriktit Besni të provincës Adiyaman.
Pas përfshirjes në konflikt edhe të 2 nipave, Salih A., ka nxjerrë pistoletën nga brezi duke qëlluar të atin, vëllain e tij të madh, kunatën dhe 2 nipat.
Më pas ai qëlloi edhe veten në kokë. Sipas agjencisë së lajmeve “IHA”, i vetmi që u dërgua i plagosur rëndë në spital ishte autori i krimit të rëndë.
