Një 37-vjeçar nga Kosova i cili ka vrarë gruan me sëpatë, nuk është arrestuar, por është transportuar për në spitalin psikiatrik, për shkak të gjendjes së rënduar. Lajmin e përcjellin mediat gjermane, ku theksojnë se çuarjen e tij në psikiatri e ka urdhëruar gjykata rajonale e Bonit. 37-vjeçari ka qënë në gjendje të rënduar kur ka kryer këtë masakër. Ai e ka goditur 39 herë me sëpatë gruan e tij 28-vjeçare.
Gruaja kishte ardhur në Gjermani vetëm gjashtë javë më parë nga Kosova. Bashkëshorti i saj jetonte në Siegburg, ndërsa punonte në një kuzhinë hotelierie. Ky krim makabër ka ndodhur pasi ai ishte shumë i bindur se bashkëshortja e tij mësuese, donte një person tjetër.
Në këtë proces, 37-vjeçari deklaroi si provë takimet dhe diskutimet e të ndjerës, por të cilat, sipas gjykatës nuk kanë ekzistuar kurrë.
I pandehuri kishte dëshmuar se ai ishte tallur dhe provokuar nga gruaja e tij, natën e 1 tetorit 2017. Në këto kushte, ai kishte marrë një sëpatë dhe e ka goditur bashkëshorten në kokë dhe në qafë.
