Një shtetas shqiptar dyshohet për një masakër me një të vrarë dhe një të plagosur në Francë. Ngjarja me pasojë jetën ka ndodhur mbrëmjen e së martës, në lagjen “Rose Vineyard” në komunën “La Roche-sur-Yon”, në Francë.
Një person është vrarë me thikë, dhe një tjetër është plagosur rëndë. Janë mediat franceze të cilat përcjellin lajmin, ku bëjnë me dije se i dyshuar për ngjarjen e rëndë është një shqiptar, i cili është arrestuar më vonë, pranë një ferme.
Sipas dëshmive të para, vrasësi dhe viktima kishin qenë në konflikt për më shumë se një vit, pas shitjes së një makine. Natën e kaluar, ata do të takoheshin rastësisht në lagjen “Rose Vineyard”. Megjithëse grindja ndodhi para disa dëshmitarëve, rrethanat mbeten ende të paqarta.
Për të hedhur dritë mbi këtë akt të rëndë, një autopsi pritet të kryhet këtë pasdite në trupin e viktimës.
