Duket se Marsida Qatja dhe Dritan Haxholli kanë pasur një marrëdhënie shumë të afërt mes tyre, përpara se 31-vjeçarja t’i jepte fund marrëdhënies mes tyre.
Nuk dihet për sa kohë ka vazhduar lidhja, por siç shihet në Facebook-un e të ndjerit, Marsida ka qenë aktive me komentet e saj.
Ajo komentonte në një foto të Haxhollit, duke i bërë komplimenta ish të dashurit.
“Je super i lezetshëm”, i shkruante në një koment anglisht në maj të këtij viti.
Kohët e fundit, lidhja mes tyre kishte përfunduar dhe ishte Marsida ajo që kishte hequr dorë nga kjo marrëdhënie, gjë që siç duket, nuk pranohej nga viktima.
Dritan Haxholli dyshonte se Marsida Qatja ishte lidhur me Bledar Toçin, shefin e sigurisë së brendshme të burgut të Durrësit dhe në orët e para të mëngjesit të 10 Tetorit, shkoi në banesën e Marsidës dhe aty e gjeti me Bledar Toçin dhe dy fqinjë të tjerë, Xhulio Biturkun dhe Ermir Çelën.
Haxholli, i cili kishte shkuar i armatosur me kallashnikov, hapi zjarr kundër Bledar Toçit, i cili u plagos vetëm me një plumb kallashnikovi dhe u kundërpërgjigj me armën e tij të shërbimit duke lënë të vdekur në vend Dritan Haxhollin.
Shefi i sigurisë së burgut të Durrësit është arrestuar me akuzën e vrasjes me dashje.
