Dortmund po bën lëvizjen më të “çuditshme” në merkato. Legjenda xhamajkane e garave të shpejtësisë, Usain Bolt, tashmë është i gatshëm për të zbritur në fushën e lojës. 31-vjeçari pasi i dha lamtumirën atletikës, shprehu dëshirën për tu testuar ë futboll dhe Dortmund shprehu gatishmërinë për ta testuar.
Në muajin Mars pritet që Bolt të zhvillojë një provë tek gjermanët, për të konfirmuar nëse është i aftë për të luajtur futboll apo jo. Por nëse ai do të jetë në gjendje ta bëjë ëndrra e tij është të luaj për Manchester United dhe ka marrë një premtim nga legjenda e “djajve të kuq”, Sir Alex Ferguson se do të ndërhyjë tek drejtuesit për ta sjellë atë në Old Trafford.
Teatri i ëndrrave është impianti ku Bolt ëndërron të luajë, ku madje ka zgjedhur edhe rolin dhe nivelin: kërkon kampionatin elitar, sepse nuk mund ta pranojë të jetë një lojtar mesatar dhe të aktivizohet si mesfushor krahu. Pozicion që i shkon për shtat kampionit të madh të atletikës, edhe sepse padyshim që shpejtësia nuk i mungon.
