Këshilltari juridik i Ilir Metës, Bledar Dervishaj ripërsëriti edhe një herë thirrjen e presidentit drejtuar palëve politike për të dialoguar.
Gjatë një konference për shtyp, Dervishaj u shpreh se partitë duhet të reflektojnë dhe t’i përgjigjen ftesës së presidentit për një tryezë diskutimi, ku përfshihet dhe caktimi i një datë të re zgjedhjesh vendore.
“Presidenti ripërsërit thirrjet për të gjitha palët politike për të reflektuar dhe t’i përgjigjen ftesës së presidentit për dialog, përfshirë dhe caktimin e një date re. Presidenti i garanton popullit shqiptar që është i gatshëm të marrë vendime në përputhje që Kushtetuta ia ka përcaktuar”, u shpreh Bledar Dervishaj.
Po ashtu, Dervishaj theksoi edhe një herë se dekreti për shfuqizimin u mor në mbështetje me dispozitat Kushtetuese.
