Femrat preferojnë më shumë të jetojnë vetëm se sa me meshkujt, thonë studimet e fundit.
Të dhënat e nxjerra nga një studim i kryer nga analistët e Mintel tregojnë se 61 përqind e femrave që jetojnë të vetme janë të lumtura me statusin e tyre krahasuar me 49 përqind të meshkujve që jetojnë vetëm.
Studimi gjithashtu tregon se 75 përqind e femrave single nuk kanë kërkuar një marrëdhënie vitin e kaluar, krahasuar me 65 përqind të meshkujve single.
Trendi ishte veçanërisht i fortë në femrat mbi 45 vjeç. Ndërsa 32 përqind e femrave të moshës 45 deri në 65 vjeç ishin shumë të lumtura, e njëjta gjë vlen vetëm për 19 përqind të meshkujve të së njëjtës moshë.
Profesorja Emily Grundy, e Universitetit të Essex, tha se gratë kanë tendencë të punojnë më shumë për një marrëdhënie sesa meshkujt.
“Ka dëshmi se femrat shpenzojnë më shumë kohë për detyrat e familjes sesa meshkujt dhe mendoj se ato gjithashtu punojnë më shumë emocionalisht”, tha ajo.
Femrat kanë më shumë gjasa të përpiqen të zgjidhin problemet ose argumentet me të cilat po merren, si dhe të kryejnë më shumë punë fizike”, tha ajo.
Ajo shtoi se femrat janë më produktive në shoqëri nëse janë single.
“Gratë priren të jenë më aktive në rrjetet sociale ndërsa burrat priren të mbështeten më shumë në gratë e tyre dhe të kenë më pak lidhje shoqërore. Sigurisht që ka një konkluzion të përbashkët nga shumë studime. Gratë që nuk kanë partner kanë tendencë të realizojnë më shumë aktivitete shoqërore dhe të kenë më shumë miq në krahasim me gratë e lidhura, ndërsa me burrat është e kundërta – burrat pa partnere kanë tendencë të bëjnë shumë më pak aktivitete,” tha ajo. (TIRANA TODAY)
