Trajneri i Partizanit, Mark Iuliano, ka folur për takimin e të dielës me Vllazninë. Italiani ka vlerësuar lojën e ekipit shkodran dhe se me një trajnerë të ri në stol lojtarët do jenë më të motivuar për të treguar atë çfarë dinë të bëjnë. Ne jemi mirë, vijmë mbas dy fitoreve dhe kemi gjetur ato balancat e munguar në javët e para. Nuk do të kemi në dispozicion Sukajn, por jam i bindur që ekipi do të bëjë punë të mirë dhe do ta fitojë ndeshjen.
Situata pas dy fitoreve
“Jemi më të qetë sepse është më e lehtë të punosh pasi ke marrë tri pikë.”
Vllaznia me trajner të ri
“Kur skuadra ndryshon trajner, do të thotë që ka probleme dhe kur vjen trajner i ri motivimi është i lartë sepse lojtarët duan të tregojnë çfarë dinë të bëjnë. Janë një skuadër e mirë, kam parë ndeshjet e mëparshme dhe luajnë mire, por nuk kanë patur rezultate të mira dhe kanë patur disa vështirësi. Kanë marrë një trajner kampion i cili do sjellë motivim të ri dhe ide të reja, por duhet ta dimë që rruga jonë është e përcaktuar dhe duhet të konfirmojmë punën e mirë që po bëjmë.”
Statistika negative në përballjet e fundit me Vllazninë
“E di që statistikat janë shumë negative ndaj Vllaznisë, por më intereson pak sepse e dimë që po punojmë mire dhe që duhet të vazhdojmë rezultatet pozitive. Do bëjmë çdo gjë për të bërë mirë.”
Mungesa e Sukajt
“Sukaj është lojtar i rëndësishëm, ka qenë gjithnjë. Ta humbnim në këtë moment është për të ardhur keq sepse po ndihmonte shumë, por nuk duhet ta humbim besimin sepse do përdorim lojtarët e tjerë.”
Gatishmëria e Alban Hoxhës
“Albani ka një problem në gishtat e dorës, sot ka bërë stërvitje të plotë dhe nuk mendoj se do ketë probleme për këtë ndeshje.”
Situata e Jasir Asanit
“Asani është një i ri me shumë të ardhme që vjen nga një kohë e gjatë pa luajtur. Po mundohemi t’ia rritim gjendjen fizike. Ai po punon mirë, po kërkon të luajë sa më shumë dhe do vazhdojë të luajë te ekipi B derisa të jetë mirë fizikisht.”
Ndryshimet e shpeshta të formacionit
“Formacioni është gjithnjë relativ, varet nga dëmtimet dhe pezullimet. Nuk e di sa ekipe mund të luajnë me të njëjtin formacion çdo javë. E rëndësishme është që kush futet në fushë të dijë rëndësinë e fanellës. Unë përpiqem të bëj zgjedhje të lojtarëve më në formë.”
