Të martën u kompletua edhe kalimi i Cristiano Ronaldos tek Juventusi, por u raportua se ky nuk ishte sulmi i fundit i bardhezinjve ndaj madrilenëve. Ata do të tentojnë që të rrëmbejnë edhe yllin brazilian Marcelon, duke shfrytëzuar edhe miqësinë e ngushtë ka ai me portugezin.
Juventusi flitet se është e gatshme që të paguaj çmimin që kërkon Real Madridi dhe mbrojtësi brazilian duket se është i gatshëm të ndërrojë ambient. Gjatë ditës së sotme Marcelo ka dhënë një sinjal të qartë për këtë transferim të mundshëm, mbrojtësi madrilen i ka bërë follow skuadrës italiane duke shtuar edhe më shumë spekulimet për një transferim të mundshëm te Juventus.
Kjo do të varet edhe nga vendimi që do të marrin drejtuesit e Juventusit në lidhje me Alex Sandon, i cili akoma nuk është i qartë nëse do të largohet apo do të vazhdojë aventurën tek bardhezinjtë. Deri në këto momente është thjeshtë një hipotezë, por shumë shpejt mund të ketë një ofertë zyrtare nga italianët për Marcelon.
