Çmimi i Madh i Spanjës një Moto GP është fituar nga Marc Marquez, i cili me Hondën ka pasur fat pak nga fundi dhe ka krijuar distancë me ndjekësit. Pas këtij suksesi piloti spanjoll ka marrë dhe kryesimin në renditjen ë përgjithshme, duke lënë pas Johan Zarco dhe Maverick Vinales.
Marquez mori kryesimin në mesin e garës dhe duke përfituar edhe nga një aksident 8 xhiro nga fundi, që përfshiu 3 ndjekësit e tij më të afërt, Pedrosa, Lorenzo e Dovizioso, e kaloi i pari vijnë e finishit. Një garë e dobët përgjithësisht me Yamahan, me dy pilotët e saj Rossi dhe Vinales që e mbyllën garën respektivisht në vendin e pestë dhe të shtatë.
Gara nis mirë për Jorge Lorenzo (Ducati), që merr kreun që në kthesën e parë, është i shpejtë në pistë dhe arrin të lërë pas rivalet deri në mesin e garës. Marquez nis të rikuperojë gradualisht pozicionet, ngjitet deri në vendin e dytë dhe pret momentin e duhur për ta parakaluar Lorenzo, ndërkohë që pas tij janë edhe Andrea Dovizioso (Ducati) e Dani Pedrosa (Honda). Në momentin që Marquez nis të shkëputet, një gabim i Lorenzo nxjerr jashtë pistë 3 pilotë, vetë spanjollin, shokun e tij të skuadrës Dovizioso e patriotin e tij Pedrosa, duke mbyllur para kohe garën.
Nga kjo situatë nuk arrin të përfitojë dot Valentino Rossi, në vështirësi në këtë pistë, nuk arrin dot të parakalojë as pilotë më dobët se ai në letër, duke e mbyllur garën në vendin e pestë, shumë larg kreut. Pas fituesit Marquez u renditën francezi Johann Zarco (i dyti me Yamaha) e italiani Andrea Iannone (i treti me Suzuki), duke u ngjitur në podium, ndërsa Petrucci u klasifikua i katërti. Vinales, me motorin tjetër Yamaha, e mbylli garën i shtati. Gara e radhës, pas dy javësh, në Francë.
