Marc Marquez shpallet për herë të 6 kampion bote në nivelin më të lartë të këtij kampionati MotoGP. 24-vjeçarit katalanas i mjaftoi vendi i tretë pas Pedrosës dhe pilotit tjetër Zarko, për të siguruar këtë titull botëror, i dyti radhazi pas atij të vitit të kaluar.
Marquez pati një moment frike gjatë garë, pasi në momentin që ishte kryesues i garës gabon në një kthesë dhe rrezikon të rrëzohet, por që e eviton mjaft mirë dhe arrinë të mbyllë garën. Andrea Dovizioso dhe Jorge Lorenzo nuk arritën ta mbyllin garën dhe i lehtëuan punën spanjollit pasi dlën nga pista kur ishin edhe 5 xhiro për tu zhvilluar.
Marquez tregon mes emocionesh, se kishte pak frikë në garën e sotme, ndërsa në fund komplimenton edhe kundërshtarët e tij, për rivalitetin e fortë sportiv.
“Të them të drejtën kisha pak frikë, sepse mendoja më të keqen, që mund të rrëshqisja dhe të dilja nga pista. Për një moment gabova dhe frenova me vonesë, por për fat të mirë ia dola të mbaj kontrollin e motorit dhe të përfundoj garën. Komplimente gjithsesi, për Dovizioson dhe Ducatin, që ishin vërtetë rivalë mjaft të fortë dhe ma zbukuruan edhe më tepër këtë titull”, tha Marquez menjëherë sapo fitoi titullin kampion në Moto GP.
Përsa i përket këtij çmimi të madh, Johann Zarco ishte ai që e kryesoi për shumë kohë, por në xhiron e fundit, francezi u parakaluar nga Dani Pedrosa, si për të kompletuar festën e skuadrës së Hondës që edhe këtë vit ishte superiore kundrejt skuadrave të tjera të MotoGP-së, ndërkohë që Marquez bëri diferencën mes pilotëve.
