Qendra hulumtuese e Parlamentit Evropian, në raportin për respektimin e lirisë së medies, Maqedoninë e radhitë në vendin e fundit në Ballkanin Evropian. Raporti u publikua në maj të këtij viti dhe përshkruan gjendjen e lirisë së fjalës në shtetet Ballkanike.
Sipas SHGM-së, si arsye kryesore për klimën e keqe në mediet në Maqedoni janë cekur disa faktorë, ndër të cilët është moszbatimi i ligjeve ekzistuese, dhe se mediet janë në pronësi të personave të afërt me qeverinë, dhuna ndaj gazetarëve, politizimi dhe korrupsioni si dhe mungesa e vullnetit politik për promovimin e pluralizmit në media.
Ndër të tjera Parlamenti Evropian u bën thirrje shteteve aspiruese të krijojnë klimë të volitshme për punë të medieve, që do të mundësojë raportim të saktë dhe objektiv.
