Maqedonia ka ligjet më të mira dhe më bashkëkohore sa i përket transparencës së institucioneve, por ato nuk janë transparente me publikun, kështu që vendi qëndron në pozitën më të keqe në rajon, shkruan Telegrafi.
Institucioni më pak transparent është Ministria e Mbrojtjes, ndërsa më transparente është Ministria e Punës dhe Politikës Sociale, por vetëm 52% në bazë të treguesve që dolën nga hulumtimi i OJQ-së, Metamorfozis, në periudhën nga tetori deri në dhjetor të vitit 2016, raporton TV21.
Sipas këtij hulumtimi, një numër i madh i institucioneve në faqet e tyre nuk publikojnë informata që janë të interesit publik, siç janë: raportet për buxhetin, furnizime publike, mbledhje publike etj. Në krahasim me vendet e tjera të rajonit, kur është fjala për transparencën e institucioneve, Maqedonia është në pozitën më të keqe.
