Maqedoni, vijojnë debatet në kuvend për shkarkimin e prokurorit të përgjithshëm

Seanca maratonike për shkarkimin e Prokurorit Publik Marko Zvërlevski ka vazhduar edhe sot, edhe pse në seancën mungojnë 30 deputetë.
Mungesa e deputetëve ishte arsyeja që deputeti i VMRO-DPMNE-së, Ilija Dimovski të kërkoj që kjo pikë të largohet nga rendi i ditës, ngase siç tha ai “edhe po të vendoset në votim nuk do të ketë deputetë për ta votuar”.
Megjithatë kryetar i Kuvendit, Talat Xhaferi nuk e pranoi këtë propozim dhe e vazhdoi debatin për shkarkimin e Zvërlevskit.
Ai tha se shumicë është e nevojshme vetëm në momentin kur duhet të votohet dhe nuk është e nevojshme kur ka diskutim dhe replika.