Në lidhje me sulmin në Kuvendin e Maqedonisë ku u dhunuan fizikisht gazetarë dhe deputetë të shumicës parlamentare, Ministria e Punëve të Brendshme bën të ditur se janë ngritur shtatë kallëzime penale.
Sipas telegrafi.com, janë ngritur shtatë kallëzime penale kundër personave me inicialet D.T (42), N.P (39), B.G (43), nga Shkupi, si edhe G.A (43) nga Velesi, ata ngarkohen me akuzën e ”pjesëmarrjes në turmë që pengon personin zyrtar të kryej detyrën zyrtare”.
Ndërkaq, A.P (39), I.K (37) dhe N.V (39), që të gjithë nga Shkupi, ngarkohen me akuzën e ”pjesëmarrjes në turmë për të kryer vepër penale”.
