Maqedonasja Bojana Stefanovska është një nga ato protagoniste që përkrahë miratimin e ligjit për gjuhët dhe se sipas saj, dygjuhësia është pasuri për Maqedoninë. Në rrjetet sociale ka bërë bujë një porosi e saj që është shpërndarë, edhe pse në të dhënat e saj biografike shkrujnë se është nga Manastiri, por që jeton dhe punon në Londër.
Ajo këtë e ka përcjellë përmes një postimi në facebook, duke shkruar:“Sot jam shumë e lumtur. Atdheu im po hapëron drejt rrugës demokratike. Shqiptarët janë bashkëqytetarët tanë dhe i meritojnë të drejtat e tyre. Dygjuhësia është pasuri për vendin. VMRO-DPMNE po përhapë urrejtje dhe bën thirrje për vdekje. Koha është që maqedonasit të fillojnë të mësojnë gjuhë në shekullin 21”
Në profilin e saj shkruan se ajo gjimnazin e ka mbaruar në Manastir, ndërsa studimet master për ekonomi në Universitetin e Londrës.
