Yusaku Maezawa është personi i parë që blen një biletë për misionin Space X të Elon Musk në Hënë.
Misioni i planifikuar për në vitin 2023, do të jetë udhëtimi i parë hënor nga njerëzit që nga viti 1972.
Maezawa ka thënë se dëshiron të ftojë artistë nga e gjithë bota për t’u bashkuar me të në këtë udhëtim. Manjati japonez i modës dhe koleksionuesi i artit ka një pasuri personale prej $ 2.9bn (£ 2.2bn).
“Që kur kam qenë një fëmijë, e kam dashur Hënën shumë. Fillimisht mendova se vetëm 1 apo 2 pasagjerë lejoheshin, por Elon Musk dhe Space X e rritën numrin në 10. Kështu kam menduar që të marr me vete disa artistë. Ndoshta një muzikant, një piktor, një kërcimtar apo një regjisor filmi. Duhet të marr dhe Elon Musk me vete, ndoshta. Ai është i çmendur, si unë”, thotë duke qeshur japonezi. Anija do udhëtojë rreth Hënës duke iu dhënë një pamje të mahnitshme pasagjerëve./TIRANA TODAY
