Ish-ministri i Drejtësisë, Ylli Manjani ka ironizuar lajmin mbi largimin e ambasadores së Bashkimit Evropian, Romana Vlahutin nga Tirana, më 31 gsuht 2018.
Me anë të një postimi në Twitter, Manjani i referohet Vlahutinit, por nuk përmend emra, teksa shkruan se BE-së do i lërë një vilë, ndërsa Shqipërisë do i çlirojë dy bodyguardë:
“Ikën në Gusht vitin që vjen-thonë! Po mirë! I qoftë rruga e mbarë! Ne themi: Vapa ikën me Gushtin! BE-së do i lërë një vilë. Shqipërisë do ti çlirojë dy bodiguardë…”
Blerja e një vile në periferi të Tiranës si rezidencë të BE-së, e ka vendosur ambasadoren e unionit Romana vlahutin në qendër të akuzave mediatike në janar të këtij viti
Madje, u tha se vila është blerë më shtrenjtë nga çmimi i referencës në faqen e kompanisë së ndërtimit, por zëdhënësja e BE Maja Koçijançiç u shpreh se blerja ka qenë konform çdo rregulli të funksionimit të përfaqësive diplomatike të unionit.
Ambasadorët e Bashkimit Europian përgjithësisht kanë jetuar në rezidenca të marra me qira, prandaj vendimi për të pasur një banesë fikse për Vlahutin shkaktoi zhurmë të madhe mediatike.
