Ish-ministri i Drejtësisë, Ylli Manjani ka komentuar fenomenin e plagjiaturës së doktoraturave, teksa Ligji i Arsimit të Lartë kërkon doktorë shkencash për të dhënë mësim.
Në një postim në Facebook, ai këtë fenomen e lidh më tej me politikanët, për të cilët pyet me ironi se çfarë u duhet doktoratura përderisa asnjë votues nuk pyet politikanin se çfarë titulli shkencor ka.
STATUSI I PLOTE:
I kuptoj të gjithë ata pedagogë, që për të bërë cv-në e tyre të përputhshme me ligjin e Arsimit të Lartë, ju duhet një doktoraturë apo titull shkencor.
Në këto kushte ruajtja e vendit të punës i justifikon disi plagjiaturat…
Të paktën për sa kohë që ligji i Arsimit të Lartë kërkon doktorë shkencash për të dhënë mësim, kështu do shkojë kjo punë.
Por ata që merren me politikë çfarë ju duhen doktoraturat?!
Nuk njoh asnjë votues që pyet politikanin “ç’titull shkencor ke”…!!!
