Luan në nivele të larta tek Tottenham dhe ishte ndër më të mirët te Anglia gjatë Botërorit. Ekspert në goditjet e dënimit, që i ndihmoi “Tre Luanët” që të shkojnë një hap larg finales. Ka ngjashmëri me Beckham, por pozicionohet në fushë disa metra pas tij, ai është Kirean Tripper.
Mbrojtësi i kombëtares angleze ka rrëfyer fillimet e vështira të karrierës së tij dhe goditjen e rëndë që i dha Manchester City, ku nuk e aktivizoi në asnjë minutë dhe e larguan. Trippier ka folur për “Daily Mail” dhe ka shpjeguar se në futboll asgjë nuk është e sigurt dhe se çdo moment është i çmuar.
Drejtuesit e Manchester City e vlerësonin, por klubi nuk pati besim tek ai. Në krahun e djathtë të mbrojtjes erdhi Zabaleta dhe Trippier nuk e pati mundësinë të aktivizohej me ekipin e parë. Dhe, siç ndodh shpesh, lojtari është lënë i lirë të largohet pak para se të mbushte 20 vjeç, ku pjesën më të madhe të jetës së tij e kaloi me fanellën e “Qytetarëve”.
“Isha i shkatërruar, mendoja se do të më jepej një mundësi, por… Gjithsesi, gjithçka ndodh për një arsye dhe kalimi te Burnley ka qenë zgjedhja më e mirë e jetës sime. Kam luajtur gjithmonë dhe jam pjekur shumë si futbollist. Më është dashur të bëj një hap mbrapa për të ecur përpara. Gjithçka ka filluar me lamtumirën nga City”. Dhe në këtë mënyrë Trippier është shembulli më i mirë, sesi mund të shkatërrohet karriera e një lojtari të ri, edhe atëherë kur nuk të mungon talenti.
