Ditët e fundit ka pasur zëra se Manchester City do të përjashtohet nga Champions League, pasi ka shkelur rregullat financiare duke mashtruar institucionin më të lartë të futbollit. Për këtë çështje ka vendosur të flasë edhe trajneri i ‘citizen’, Pep Guardiola, ai është shprehur:
“Nëse UEFA do të marrë një vendim, klubi do të bëjë një deklaratë zyrtare: do të më pëlqente që të ndodhte kështu, sepse do të dinim me siguri për çfarë bëhet fjalë dhe të gjithë këto zëra do të merrnin fund”.
Kujtojmë se sipas dokumenteve të fundit të zbuluara nga “Football Leaks”, City ka bërë shkelje të mëdha financiare dhe shtypi anglez është i bindur se “qytetarët” do të përjashtohen nga kompeticioni i ardhshëm i Championsit.
