Ish-drejtori i Arkivave në Ministrinë e Brendshme, Kastriot Dervishi publikon një foto të personaliteteve shqiptare, të cilët u mblodhën në Manastir në vitin 1908. Takimi i patriotëve shqiptarë bëhej për të vendosur mbi alfabetin e gjuhës shqipe.
Fotoja e publikuar nga Dervishi është më e qarta dhe më e pastra e publikuar në median e sotme. Në të dallohen lehtësisht të gjithë ata patriotë që punuan për zyrtarizmin e gjuhës shqipe.
Për herë të parë kjo foto është publikuar në revistën “Dituria” të Mit’hat Frashërit. Historiani thekson se mbledhja e Kongresit të Manastirit ishte e domosdoshme.
Gjithashtu, Dervishi shkruan se emrat e këtyre burrave hasen fare rrallë nëpër rrugët tona, sepse të padenjët komunistë janë më të pranishëm sesa ata që e deshën shumë Shqipërinë.
Fytyrat e këtyre personaliteteve që u mblodhën në Manastir në vitin 1908 për të na dhënë alfabetin e gjuhës shqipe, nuk duhen harruar.
Fotoja është përjetësuar nga Mit’hat Frashëri dhe revista e tij “Dituria”. Pavarësisht se kongresi i Manastirit, nuk përfundoi me sukses (sepse doli me dy variante), zhvillimi i tij ishte i domosdoshëm, sepse nuk dihej si do shkonte puna e gjuhës shqipe.
Alfabetin më të mirë, atë që përdorim sot, e vendosi koha. Emrat e këtyre burrave hasen fare rrallë nëpër rrugët tona, sepse të padenjët komunistë janë më të pranishëm sesa ata që e deshën shumë Shqipërinë.
