Fabrika e tullave në Maminas është përfshirë nga flakët paraditen e sotme, ndërsa nga filmimet e qytetarëve shihet tym i dendur i zi që të lë të kuptosh se zjarri është i përmasave të konsiderueshme.
Derimë tani raportohet i lënduar shtetasi Besnik Bojaku, ndërsa nuk dihet ende nëse ka persona që gjenden aktualisht brenda fabrikës.
Si pasojë e flakëve tymi i zi ka përshkruar të gjithë zonën, duke u përhapur dhe në autostradë, ndërsa në momentin e rënies së zjarrit burimet bëjnë me dije se brenda në fabrikë kanë qenë 8 persona.
Sipas Faxwebit shkak për zjarrin është bërë shpërthimi i një bombule gazi.
Shijak/ Informacion paraprak
Më datë 28.05.2021, rreth orës 11:15, në rrugën dytësore në Maminas, Shijak ka rënë zjarr, në fabrikën e re të tullave.
Menjëherë në vendngjarje kanë shkuar Efektivet e Policisë dhe Zjarrëfikëset, të cilët kanë evakuuar personelin dhe po punojnë për shuarjen e flakëve dhe sqarimin e shkaqeve të rënies së zjarrit.
