Muajt e fundit Wanda Nara, bashkëshortja e sulmuesit dhe kapitenit të Interit ka qenë në qendër të mediave rozë, për përplasjen që ka me kunatën, Ivana Icardi. Kjo e fundit e ka akuzuar vazhdimisht se ajo e ka ndarë vëllain nga familja dhe se mendon vetëm për paratë dhe për asgjë tjetër.
Në një postim të fundit në Instagram, kunata e Wanda-s shkruan:
“Ti sheh vetëm paratë, apo jo? Nuk do t’ia dish për familje, shpresoj që një ditë im vëlla të hap sytë…Zoti im! Gjithë italianët e dinë se çfarë njeriu je ti, e familja jonë edhe më shumë. Mamaja ime nuk ka vdekur, por vuan për djalin e saj, por hesht dhe bëhet e fortë me situatën. Dhe ne motrat dhe vëllezërit po ashtu.
Ti nuk je shqetësuar kurrë, thjesht shqetësohesh për të dalë në televizor, ti nuk do askënd mbi vete, do të jesh qendra e botës. Shpresoj që Zoti të të ndriçojë e të mos mendosh më vetëm për vete dhe për paratë. Mamma Mia! Si mund të thuash që gjëja më me vlerë që ke janë kafshët e tua? Sa hipokrite është bota, por asgjë nuk më surprizon më për këtë person…”
