Një efektiv i policisë në Mallakastër, është goditur pasditen e së shtunës në krye të detyrës.
Ngjarja ka ndodhur në ambientet e brendshme të oborrit të shkollës 9-vjeçare “Beqo Caushi”, Mallakastër, kur shtetasi Besnik Çaushaj, 49 vjeç, banues në fshatin Drenovë, ka goditur me sende te forta (gurë) punonjësin e policisë i cili ishte paraqitur në qendrën e votimit sipas planizimit të shërbimit, në pritje për të marrë në ruajtje qendrën e votimit nr 3254.
Burime nga policia bëjnë me dije se shtetasi (i cili dyshohet se ishte në gjendje të dehur) ka shkatërruar edhe xhamat e kësaj shkolle si dhe një mjet benz me targa AA 044 OC, pronë e punonjësit të policisë.
