Muaji prill në Malin e Zi është muaj fushate për zgjedhjet presidenciale. Këtë e ka bërë të ditur kryetari i Kuvendit, Ivan Brajoviç, i cili ka shpallur datën 15 si ditën e zgjedhjeve për Presidentin e ri të Malit të Zi.
Vetë sistemi elektoral, mund të prodhojë një raund të dytë zgjedhjesh nëse kandidatët nuk sigurojnë 50% të votave në garën e parë, ndryshe përballja e dytë bazuar edhe në kushtetutën e shtetit fqinj, mund të mbahet pas dy javësh.
Presidenti aktual i Malit të Zi, Filip Vujanoviç, ishte president për tri mandate radhazi, ndërsa tashmë nuk ka të drejtë të rikandidojë për këtë post. Ai ishte presidenti i Malit të Zi që në vitin 2006, në kohën kur vendi u shkëput nga Serbia. Data e fundit në të cilën duhen të paraqiten kandidaturat zyrtare për të marrë këtë post është data 26 mars.
