Mali i Zi i bashkohet sot zyrtarisht Aleancës Euroaltlantike, NATO, duke u bërë kështu anëtari i 29-të i saj.
Nënsekretari amerikan i shtetit, Thomas Shannon, mirëpret sot në ceremoni kryeministrin e Malit të Zi, i cili do të depozitojë të ashtuquajturin “instrument të pranimit”.
“Anëtarësimi i Malit të Zi në NATO pritet t’i shpërbëjë këtij të fundit për integrim të mëtejshëm, reforma demokratike, siguri e stabilitet si dhe fqinjësi të mirë” shprehet zyrtari amerikan.
Ai gjithashtu shtoi se ky pranim “riafirmon vendet e tjera aspirante se dera e NATO-s mbetet e hapur, për të gjitha ato vende që janë të gatshme për të bërë reforma të domosdoshme për arritjen e standardeve të NATO-s, dhe t’i pranojë rreziqet, përgjegjësitë e po ashtu përfitimet nga ky anëtarësim”.
Serbia, nëna e ish-Jugosllavisë, e ka kundërshtuar në vijimësi ambicien e Malit të Zi për t’iu bashkuar kësaj aleance. Por politikanët reformatorë që udhëhoqën Podgoricën pas shpërbërjes së Jugosllavisë, treguan largpamësi, duke zgjedhur në rrugëtimin e dyzuar jo atë drejt Serbi-Moskës por rrugëtimin drejt Perëndimit.
