Mali i Zi, filloi gjyqi ndaj 14 “komplotistëve” të grushtit të dështuar të shtetit

Gjyqi ndaj 14 personave të dyshuar si komplotistë në grushtin e dështuar të shtetit për të rrëzuar qeverinë pro-perëndimore malazeze në muajin tetor u hap sot në Podgoricë.
Organizatorët kryesorë të përpjekjes së dështuar u cilësuan dy persona që mendohet të kenë qenë operativë të shërbimeve të fshehta ruse.
Të pandehurit, kryesisht serbë, akuzohen për “krijimin e një organizate kriminale” me qëllim sabotimin e rendit kushtetues në Mal të Zi dhe pengimin e përpjekjeve të qeverisë për t’u anëtarësuar në NATO.