Malala Yousafzai është një nga vajzat më të famshme në botë, fituese e çmimit Nobel. U qëllua nga një taleban për aktivitetin që ushtronte në mbrojtje të arsimit të vajzave. Ka vendosur të ndjekë Oxford-in për të studiuar Filozofi, Politikë dhe Ekonomik.
Në një provim paraprak për lëndë specifike ajo duhet të arrinte të merrte të gjitha notat maksimale “A”, kusht që ishte kërkuar nga shkollat në Britaninë e Madhe. Nobelistja e Paqes bëri provime në matematikë, histori, studime fetare dhe gjeografi.
Ajo ka ndarë lajmin e pranimit në një postim në Twitter.
“Jam shumë e lumtur që po shkoj në Oxford!! Urime të gjithë studentëve të nivelit A – ishte viti më i vështirë. Urimet më të mira për jetën në të ardhmen!”
The Guardian shkruan që Yousafzai, fituesja më e re e Nobelit në histori, mendon që të kthehet në Pakistan pas diplomimit si politikane, ose të vazhdojë studimet më tej në Amerikë.
