Autoritetet e Malajzisë lanë të lirë pedagogun shqiptar të arrestuar pak kohë më parë për terrorizëm. Lajmi për lirimin e Klodjan Zaimaj i njohur me emrin fetar Ibrahim vjen nga ish-imami xhamisë së Unazës së Re Armand Ali përmes një statusi në Facebook. Sipas ish-imamit Klodiani Zaimaj u la lirë dhe kanë rënë të gjitha akuzat e ngritura ndaj tij.
Zaimaj u arrestua në fillim të tetorit në Malajzi së bashku me 8 persona të tjerë të dyshuar për lidhje me grupin Abu Sayyaf.
Klodian Zaimaj me origjinë nga Cërriku, që njihet edhe me emrin fetar Ibrahim, jetonte prej vitesh në Malajzi ku punonte si pedagog dhe u dyshua se rekrutonte të rinj për t’ju bashkuar organizatës terroriste ISIS.
