Kreu i PS-së në Tiranë, Saimir Tahiri i është përgjigjur drejtpërdrejt Petrit Vasilit, lidhur me “drejtimin e makinës me një timon”.
Teksa ishte i pranishëm në një takim me banorë të njësisë 7 dhe 11, ish-ministri i Brendshëm tha:
“Dëgjova Petrit Vasilin që thoshte se është tahma e madhe të imagjinosh një makinë me një timon. Unë nuk e di pse i shkon mendja te tahmaja në fakt. Unë e quaj përgjegjësi, atij i shkon mendja te tahmaja, është puna e vet. Por të kesh mundësinë të qeverisësh këtë vend për shqiptarët, pa i zënë sytë me sherre, me shamata, nuk është tahma, është përgjegjësi.
Kjo është përgjegjësia jonë, e Partisë Socialiste dhe e Edi Ramës përballë çdo shqiptari që me të drejtë kërkon më shumë punë prej nesh”, theksoi Tahiri.
