Manchester City ishte më pranë se kurrë më parë që të fitonte në “Anfield” përballë Liverpool, por Rihad Mahrez gaboi penalltinë e fituar në minutën e 86’.ishte Gabriel Jesus që kërkoi ta ekzekutonte atë, por Guardiola porosit Mendy që ti thonte Mahrez ta gjuante ai. Por pas ndeshjes trajneri katalanas i ka kërkuar falje sulmuesit brazilian pasi i hoqi të drejtën e ekzekutimit të penalltisë, e cila do të sillte edhe fitoren e tij të parë përballë Klopp.
“Po, Gabriel e kërkoi. Unë i kërkoj falje. Gjatë seancave stërvitore e shoh Mahrez që gjuan gjithmonë penallti dhe ajo gjë më jep besim të madh. Do të jetë një eksperiencë pozitive për atë herën e ardhshme kur të shënojë. Morëm 1 pikë. Ishim shumë pranë fitores, më afër se kurrë këtu në Anifeld, por është më mirë se sezonin e kaluar, kur humbëm, veçanërisht kur kërkojmë gjithmonë që të jemi vetvetja.
Ne konkurojmë vërtetë shumë mirë. Kishim shansin tonë, por duhet të pranojmë fatin. Jam shumë komod me performancën që bëmë sot. Kundërshtari nuk pati asnjë goditje në kuadrat. Në Anfield kjo është e komplikuar”, deklaroi Pep Guardiola.
