Besart Celina ka shënuar një gol mjaft të bukur në fitoren 1-0 që arkëtoi ekipi i tij Ipswich Town përballë Leeds United. Futbollisti i kombëtares së Kosovës ka gjetur rrjetën në minutën e 67’ nga një distancë e konsiderueshme, gol që rezultoi deçiziv për fatin e takimit.
Vlen të theksohet se Leeds nga minuta e 37-të luajti me një lojtar më pak, duke qenë se Eunan O’Kane u përjashtua me karton të kuq. Celina luan te Ipswichi nga fillimi i këtij sezoni në formë huazimi një vjeçar. 21-vjeçari është në pronësi të Manchester Cityt, ndërsa është dërguar në ekipe të ndryshme për të fituar përvojë. Në sezonin 2016/2017, ai ka luajtur në Eredivisie te skuadra e Twentes.
