Presidenti francez, Emmanuel Macron siguroi sot kryeministrin izraelit, Benjamin Netanjahu, se do të tregohet vigjilent lidhur me zbatimin rigoroz të marrëveshjes për çështjen bërthamore iraniane.
“Kryeministri Netanjahu më shprehu shqetësimet e tij përballë regjimit iranian. Dhe unë e sigurova për vigjilencën tonë, veçanërisht lidhur me zbatimin rigoroz të marrëveshjes rreth çështjes bërthamore të nënshkruar në vitin 2015, në të gjitha pikat e saj”, deklaroi kryetari i shtetit francez në një konferencë të përbashkët stypi me Netanjahun në pallatin presidencial.
Macron tha se synon të fillojë një dialog shterues me Izraelin lidhur me ndjekjen e këtij protokolli”.
Macron tha gjithashtu se ndan shqetësimet e Izraelit lidhur me armatimin e Hezbollahut, lëvizja shiite libaneze e mbështetur nga Irani dhe armiku i betuar i Izraelit.
Temat kryesore të trajtuara gjatë takimit të parë zyrtar mes dy liderëve ishin Irani dhe konflikti në Sirii, si dhe konflikti izraelito-palestinez, raporton ATSH.
Sipas presidencës franceze, “takimi ishte një mundësi për të shprehur mungesën e dashamirësisë sonë ndaj Iranit, armiku i betuar i Izraelit në rajon, i cili kreu në qershor goditjen e parë me raketë në territor të huaj kundër objektivave të grupit terrorist Shteti islamik në Siri”.
