“Makron derdh ujë të ftohtë për shpresat e anëtarësimit në Ballkan të BE”, këshktua shkruan politico.eu. Këto deklarata ai i ka bërë në
samitin me krerët rajonal. Ndërsa vetëm dy ditë më parë Rama udhëtoi drejt Parisit, ku i kërkoi Macron, mbështetjen e Francës pë çeljen e negociatave.
Por sot, Presidenti francez Emmanuel Macron ka mbajtur një qëndrim skeptik mbi zgjerimin e Bashkimit Evropian për të përfshirë vendet nga Ballkani Perëndimor. Këtë qëndrimi ai e ka mbajtur gjatë zhvillimit të samitit të Sofjes, sot në Bullgari, që synonte forcimin e lidhjeve midis rajonit dhe BE.
Komentet e Macron, janë një zhgënjim në veçanti për Shqipërinë dhe Maqedoninë, të cilët shpresojnë për dritën e gjelbër nga udhëheqësit e BE muajin e ardhshëm për të filluar bisedimet për t’u bashkuar me bllokun, pasi Komisioni Evropian në prill dha rekomanirmin.
“Ajo që kemi parë gjatë 15 viteve të fundit është një rrugë që ka dobësuar Evropën sa herë që mendojmë ta zgjerojmë atë. Dhe unë nuk mendoj që ne bëjmë një shërbim për vendet kandidate apo veten tonë duke pasur një mekanizëm që në njëfarë mënyre nuk ka më rregulla dhe vazhdon të lëvizë drejt zgjerimit më të madh “, tha Macron për gazetarët në samitin e kryeqytetit bullgar Sofje.
“Unë jam në favor të ankorimit të Ballkanit në Evropë dhe të ecjes drejt Evropës. Por unë mendoj se ne duhet të shohim çdo zgjerim të ri me shumë kujdes dhe ashpërsi,” tha Macron.
“Nuk jam në favor të lëvizjes drejt zgjerimit para se të kem të gjitha sigurinë e nevojshme dhe para se të bëj një reformë reale për të lejuar një thellim dhe funksionim më të mirë të Bashkimit Evropian”.
Ballkani ka mbështetur agjendën e BE-së pasi liderët janë alarmuar për ndikimin e fuqive të tjera në krahun e tij jugor, veçanërisht të Rusisë. Kriza e migracionit 2015, në të cilën qindra mijëra hynë në BE nëpërmjet rrugës së Ballkanit Perëndimor, gjithashtu dha një kujtesë të theksuar të rëndësisë së rajonit për stabilitetin e bllokut.
Por anëtarët e BE janë të ndarë për të deklaruar se të gjashtë vendet e Ballkanit Perëndimor në samit – Shqipëria, Bosnja dhe Hercegovina, Kosova, Maqedonia, Mali i Zi dhe Serbia – mund të bashkohen një ditë me bllokun.
Serbia dhe Mali i Zi tashmë janë në bisedimet e anëtarësimit dhe Komisioni ka sugjeruar që ata të mund të hyjnë në BE deri në vitin 2025 – një objektiv i konsideruar me skepticizëm të konsiderueshëm nga disa zyrtarë në Bruksel dhe qeveritë e BE. TIRANA TODAY
