Mes dhimbjeve më të mëdha, i ati i Florenc Beqirajt zotohet se do ta çojë çështjen e të birit deri në fund!
Një ditë pas humbjes së të birit, Gëzim Beqiraj, i ati i 23-vjeçarit është zotuar se do ta çojë çështjen deri në fund.
Në një prononcim për Report TV, Gëzimi thotë se ka marrë një avokat për ta ndjekur deri në fund çështjen, ndërkohë që shprehet se mjekët i hoqën aparaturat pa e pyetur.
“Kam marrë avokat dhe do t’i shkoj deri në fund kësaj çështje, mjekët i kanë fikur aparaturat pa lejen time. Në këto ditë të vështira janë disa djem shqiptarë në Francë që po më ndihmojnë në çdo drejtim”, u shpreh Beqiraj per Report TV.
Mjekët i heqin tubat, ndahet nga jeta Florenc Beqiri. Gazetari tregon fjalët e fundit të babait
Florenc Beqiri, i riu nga Shkodra është ndarë nga jeta mbrëmjen e sotme, pas masakrimit që i është bërë në qelinë e paraburgimit në Marsejë të Francës.
Lajmi është konfirmuar nga babai i tij i cili ka patur një komunikim më gazetarin Molla.
Në një postim në ‘facebook’ gazetari shkruan:
Leon ma vranë djalin !!!
Këto ishin fjalët e babait të Florencit, Gëzim Beqiraj që më tha në telefon pak mituta që doktorrët Francez i hoqën oksigjenin.
Nuk po e besoja dhe menjëherë i drejtova pyetjen:
Gëzim çfarë thua ? Firmosët Ju që ti hiqnin oksigjenin?
Ai i përlotur më thotë: Jo Leon Jo, nuk më pyetën, doktorrët ja hoqën oksigjenin pa më pyetur, ma vranë djalin, ma vranë.
Në këto momente mbeta pa fjalë, nuk dija çfarë ti thoja.
Gëzimi vijoi duke më thënë: Mbarova, më vranë djalin tim të vetëm, nuk mund të flas, nuk di çfarë të flas, më vranë djalin Leon, o Zot, o Zot.
Me këto fjalë mbylli telefonin.
Kurrë nuk do ta harroi, kurrë, kurrë, kurrë.
Shpirti i Florencit pushoftë në Paqe.
