Robert Berisha ka postuar një foto me të bijën, duke shkaktuar lumë kritikash. Kjo pasi ai shfaqet duke e puthur në buzë vajzën e tij.
Të menjëhershme kanë qenë reagimet dhe kritikat, duke e konsideruar veprimin e këngëtarit si të turpshëm. Lidhur me këto reagime, ka folur vetë këngëtari, i cili ka treguar se e kishte marrë shumë malli për të bijën dhe ky nuk i dukej aspak veprim i keq.
“Shyqyr që është vajza ime dhe fati i saj është që nuk e përpiva fare, po kaloi mirë me një puthje. Aq shumë më merr malli për të. Portalet puthin edhe vajzat e të tjerëve dhe nuk ju duket e çuditshme. Por, kur shohin fytyra publike që bëjnë një gjest të tillë, atëherë bëjnë një shkrim që të përfitojnë nga klikimet. Gjithsesi, janë shumë të mirë. Unë i dua fort”, tha ai për Class.
Roberti është bërë pjesë e formatit të kërcimit “Dance With Me”, ku konkurron së bashku me partneren e tij në kërcim, Leila Krajën.
