Kreu i Partisë Demokratike ka mbajtur sot një fjalim në “çadrën e lirisë”, ku theksoi se shqiptarët kanë fituar betejën e parë me tërheqjen e kandidatit të PS-së në Kavajë.
Basha foli ashpër ndaj medias, të cilën e akuzoi se është arma më e fortë e Republikës së Vjetër dhe që nuk u shërben qytetarëve, por kryeministrit.
Gjithashtu, Basha premtoi se pushteti i gazetarit do të barazohet me atë të gjyqtarit si dhe theksoi se zgjidhja e vetme është qeveria teknike.
Kreu i PD-së akuzoi edhe KQZ-në për mungesë transparencë, ndërsa tha se është bërë mburojë e paligjshmërisë.
FJALA E BASHËS:
Kjo agorë sot nuk i ngjan agorave tjera. Gjithçka që po ndodh sot këtu, duhej të ndodhte në Kavajë. Me fitoren e betejës së parë, bëri të mundur që ne të jemi sot këtu në Tiranë për të bërë bilancin e fitores së parë.
Sa bukur që folën qytetarët e pranishëm në agorë, kush e ndjek nëpërmjet FB-së e di shumë mirë për çfarë e kam fjalën. Nuk dua të riprodhoj atë që media ia dedikon vetëm kreut të opozitës dhe jo qytetarëve. Si nuk keni turp, si ia dedikoni kohën tallavasë së opozitës? Mirë që s’keni kurajo, po turp a keni? A keni turp që i hiqni zërin qytetarëve tuaj, të cilëve duhet t’u shërbeni! E kanë ngrënë turpin jo me lekë, por me miliona. Mediat janë arma më e fortë e Republikës së Vjetër, vetëm agjendën e qytetarëve nuk kanë, turpi i mbuloftë. Qytetarë të Shqipërisë, mundohuni ta ndiqni zërin tuaj, braktisini ekranet e turpit dhe gazetat e turpit! Jam pjesë e komplotit ekonomik, rrinë aty dhe marrin kockat që iu hedh Edi Rama, ndaj kockat dhe thërrimet e gostisë që është shtruar me paratë e popullit më të varfër në Europë. Ja pse Shqipëria nuk ecën para, ja pse rriten taksat, ja pse shërbimi shëndetësor është më i dobët. Por, dita e lirisë do të vijë edhe për median shqiptare, dita kur këta burra, djem e vajza nuk do të kenë më presionin e klientit të qeverisë, dita kur gazetarët do të kenë të njëjtin status si gjyqtarët për të thënë të vërtetën e jo për t’u shërbyer kriminelëve dhe oligarkëve.
Në FB të paktën nuk ka censurë, aty dëgjoni zërin e qytetarëve, që thotë të vërtetën me kurajo. Tani le të konstatojmë disa të vërteta. Brenda 2 ditësh do festojmë ditën e Evropës, që është festa e demokracisë dhe e shqiptarëve në Shqipëri. Jemi përpjekur dhe ia kemi dalë të hedhim hapa të rëndësishëm drejt Evropës, me heqjen e vizave. Asnjë prej tyre nuk ishte lëmoshë, ndërkohë që drejtonte PD.
A mund të ketë Evropë pa themelin e lirisë, që është liria e votës?
2.5 mln rrënjët e kanabisit u deklaruan të asgjësuara, por nuk ka asnjë procesverbal që janë asgjësuar se në fakt nuk janë asgjësuar.
Edi Rama ka thyer kodin zgjedhor se edhe ligjërisht, nuk ka zgjedhje më 18 qershor.
Askush në këtë vend nuk e do më shumë Evropën se ky bashkim i madh qytetar, se kjo opozitë, se kjo Parti Demokratike. Sot KQZ ka bërë harakiri total, ka refuzuar të vërë në dispozicion të 3 anëtarëve të KQZ listat e partive që janë të detyruar të mbledhin firma, sepse kjo KQZ është bërë mburojë e paligjshmërisë. Sot refuzon transparencën, sepse transparenca është aleati kryesor i të vërtetës.
Rama ia ka kaluar edhe Ramizit, duke na shpikur fasadën e një pluralizmi që nuk ekziston sepse në këto zgjedhje nuk është regj asnjë parti, veç koalicionit. KQZ është dëshmuar si dëshmitarja e rreme e Edi Ramës, KQZ sot ka marrë fund për ne si një entitet i ligjshëm i Republikës së Vjetër.
Pse bëhet gjithë kjo luftë? Bëhet nëse paratë do administrohen siç i administron Republika e Vjetër, ose do u kthehen qytetarëve të saj./ Tirana Today
